tg-me.com/sudyalaroliykengashi/3566
Last Update:
Истамбул анжуманида Ўзбекистон Республикаси Судьялар олий кенгаши тақдимоти ўтказилди
Туркиянинг Истамбул шаҳрида “Туркий давлатлар ташкилотига аъзо ва кузатувчи давлатлар судьялар кенгаши раислари ва вакиллари”нинг иккинчи йиғилиши бўлиб ўтмоқда. Унда Ўзбекистон Республикаси Судьялар олий кенгаши раиси Холмўмин Ёдгоров иштирок этмоқда.
Тадбир дастурига кўра, Туркий давлатлар ташкилотига (ТДТ) аъзо мамлакатларнинг Судьялар кенгаши, унинг вазифа ва ваколатлари бўйича тақдимот қилинмоқда. Куни кеча Х. Ёдгоров бошчилигидаги делегация томонидан Ўзбекистон Республикаси Судьялар олий кенгаши тақдимоти ўтказилди.
Мамлакатлар тақдимотидан сўнг ҳамкорликнинг истиқболлари фаол муҳокама қилинди. Уларнинг якуни бўйича тегишли ҳужжатлар имзоланиши кутилмоқда.
Туркий давлатлар ташкилотига аъзо ва кузатувчи давлатлар Судьялар кенгаши раислари ва вакилларининг иккинчи йиғилиши бугун ўз ишини якунлайди.
Эслатиб ўтамиз, Туркий давлатлар ташкилоти (ТДТ) 2009 йил 3 октябрда "Нахчиван шартномаси" асосида ташкил этилган бўлиб, Бош котибияти Истанбулда жойлашган. Ташкилот дастлаб "Туркий тилли давлатлар ҳамкорлик кенгаши" аталиб, Туркия, Озарбайжон, Қирғизистон ва Қозоғистон аъзо бўлган. Ўзбекистон 2019 йилдан мазкур ташкилотнинг тўлақонли аъзоси ҳисобланади. Венгрия ва Туркманистон кузатувчи мақомига эга.
Каналга уланиш: @sudyalaroliykengashi
BY Судьялар олий кенгаши l Расмий канал
Warning: Undefined variable $i in /var/www/tg-me/post.php on line 283
Share with your friend now:
tg-me.com/sudyalaroliykengashi/3566